Misioni ynë është të lidhim njerëzit me botën, kudo që ata jetojnë dhe punojnë. Ne jemi duke krijuar zgjidhje të reja për klientët familjarë dhe biznese për t’i ndihmuar në mënyrën e komunikimit dhe argëtimin pa limit.

1. 1. Jemi inovativ
      • • Mendojmë përtej kufijve, përqafojmë ndryshimet dhe mënyrat e reja të të menduarit
      • • Marrim përsipër të rrezikojmë në mënyrë inteligjente
      • • Ndjekim atë që nuk është bërë më parë

1. 1. Veprojmë me integritet dhe besim
      • • Bashkëpunojmë për të arritur më të mirën
      • • Respektojmë vendimet dhe njëkohësisht angazhimet
      • • Ruajmë informacionin konfidencial në lidhje me konsumatorin dhe kompaninë

1. 1. Ndërtimi i një marrëdhënie të fortë dhe afatgjatë me klientët
      • • Kuptojmë se çfarë dëshirojnë klientët tanë
      • • Sigurohemi që ne jemi të vlefshëm për klientët tanë ashtu siç janë ata për ne
      • • Zgjidhim problemet dhe i bëjmë gjërat më të lehta

       

Brandi Tring është një konfigurim i thjeshtë dhe simbolik që përbëhet nga dy rrathë që bashkohen në formë elipsi. Shenjat e tjera dalluese, flluska dhe shiriti përfaqësojnë epokën dixhitale, flluska si simbol i komunikimit dhe shiriti që përsëritet simbol i projeksionit në ekran. Rrethi krijon perspektivën duke reflektuar vizionin e kompanisë të orientuar drejt të ardhmes.

Ngjyra lejla përcjell ekstravagancë, risi dhe freski.

Fibra optike

është një teknologji e re, e cila shërben për dërgimin e të dhënave me anë të dritës në një distancë të madhe. Për shkak të humbjeve të vogla në linjë dhe sepse transmetimi i të dhënave bëhet nga impulse e dritës, fibra është një nga teknologjitë më efikase. Fibra optike ka një bandwith të gjërë, nuk ka interferencë në linjë, pra është imune ndaj valëve elektromagnetike, si dhe e lehtë në instalim për shkak të përmasave të vogla.

HFC

Hybrid Fiber Caoxial) është rrjeti i teknologjisë së telekomunikacionit në të cilën fibra optike dhe kabulli kaoksial përdoren në pjesë të ndryshme të një rrjeti për të transportuar përmbajtjen (video, zë dhe të dhëna). Një përparësi e HFC është se disa nga karakteristikat e fibrës optike (Bandwidth i lartë dhe mungesa e interferencave) përfitohen nga përdoruesi pa pasur nevojë të zëvendësojë kabullin kaoksial tashmë të instaluar.

Hosting

është një shërbim që lejon organizatat dhe individët të ruajnë materiale si: video, foto, apo tekst në serverat tanë. Mjafton që ju të zgjidhni shërbimin e hostimit të faqes apo të e-maileve tek Tring dhe ju hostojmë adresat tuaja të e-mailit, i mbrojmë ato nga spamet dhe viruset, etj.

VSAT

(Very Small Aperture Terminal) është një sistem komunikimi satelitor që shërben njëkohësisht për përdoruesit familjarë dhe bizneset. Teknologjia VSAT ofron shpejtësi të lartë, të komunikimit broadband satelitor të internetit ose rrjetit privat të komunikimit. VSAT është ideale për përdorime të tilla si: transferime file-sh të mëdha, video transmetime, dhe lidhjes në distancë në internet.

Wireless

është një term i përdorur për të përshkruar telekomunikacionin në të cilin valët elektromagnetike transmetojnë informacionin në një distancë, pa ndihmën e telave, kabllove ose formave të tjera të përçuesve elektrik. Distanca e transmetimit mund të jetë nga disa metra në disa mijëra kilometra.

TV

Kompania Tring i është përshtatur zhvillimeve të vrullshme të rajonit dhe më gjerë duke investuar në teknologjinë më të fundit HD. Tashmë, Tring ka kaluar të dyja platformat e saj në formatin MPEG-4. Kjo nënkupton më shumë kanale dhe më shumë cilësi transmetimi.

Tring ofron platformën më të mirë Tokësore dhe Satelitore të përbërë nga:

Pajisje të teknologjisë së fundit me:
Enkoderat HD MPEG-4
Multiplexer cilësorë për marrjen e sinjalit Live
Transmetimet satelitore (DTH) në Eutelsat W2B 16 gradë lindje që mbulojnë pothuajse të gjithë Evropën dhe Lindjen e Mesme.
Cilësi transmetimi nëpërmjet satelitit të Eutelsat i miratuar dhe me një teleportë të licencuar.
Një qendër transmetimi, si dhe një kontroll satelitor monitorues i pajisur mirë, që janë në funksion të plotë 24 orë në ditë, në 7 ditë të javës.
Një grup i gjerë sistemesh marrëse satelitore për marrjen e sinjalit nga satelitët e përhapur me një shtrirje nga Oqeani Atlantik në atë Indian.

Paketa Tring i ofrohet abonentëve të saj nëpërmjet dekoderave Full HD të gjeneratës së dytë HD tokësor dhe HD satelitor të përshtatshëm për pairing:

Dekoderi Tokësor HD

STB i ri me marrës Tokësor pranon formatin e transmetimit HD, gjithashtu edhe atë SD (standart definition) ndryshe nga ata ekzistues që ishin vetëm SD. Kjo bën të mundur që kanalet e prodhuar/transmetuar në formatin HD të kenë mundësi të shihen nga abonentët Tring.
Avantazh tjetër në këtë STB është se me anë të një USB të jashtme apo një Hard-disku të jashtëm mund të regjistrohen programet, filmat, emisionet, të cilat në pamundësi për t’i parë në oraret që transmetohen, mund t’i shikoni në kohën e përshtatshme për ju.
Dekoderi është i pajisur me dalje dixhitale për videon (HDMI) por edhe për audion, e cila mund të lidhet me një “Home Cinema” me anë të fibrës
optike ose kabullit Coaxial.
Dekoderi i ri Tokësor HD është i hapur për të gjitha kartat conax dhe sinjalet dixhitale free tokësore.

Dekoderi i SATELITOR HD

Dekoderi i ri Satelitor pranon formatin e transmetimit HD por edhe SD (Standart Definition) ndryshe nga ata ekzistues që ishin vetëm SD. Ky është një avantazh që të jep mundësinë për të ardhmen që kanalet e prodhuar/transmetuar në formatin HD të kenë mundësi të shihen nga abonentët Tring.
E re tjetër në këtë STB është se me anë të një USB të jashtme apo një hard-disku të jashtëm mund të regjistrohen programe, filma, apo çfarëdo pjesë e programeve të transmetuara. Kjo të jep mundësinë që në pamundësi për të parë një event të pëlqyer ta regjistrosh atë dhe të shikohet në kohën e përshtatshme.
Dekoderi është i pajisur me dalje dixhitale për videon (HDMI) por edhe për audion e cila mund të lidhet më vete në një “Home Cinema” me anë të fibrës optike ose kabllit coaxial.
Dekoderi i ri Satelitor HD është i hapur për të gjitha kartat conax dhe sinjalet dixhitale free tokësore.
Dekoderat Tring, ndër funksionet e tjera, ofrojnë një menu shumëgjuhëshe, me teletekst dhe titra DVB, guidë për instalim të thjeshtë, opsion bllokimi nga të rriturit, Guidë Elektronike e Programit (EPG) dhe azhornim automatik të softuerit.

My Tring IPTV

Dekoderi i My Tring IPTV është një pajisje HD, e cila ka një dizajn novator që i dhuron përdoruesit një përvojë të këndshme.
Nëpërmjet përdorimit të një USB-je të thjeshtë ose një karte SD, ju mund të përfitoni shërbime shtesë si regjistrimi i programeve të ndryshme apo ndalimi i programit dhe ndjekja e tij në një moment të dytë.
Dekoderi i My Tring IPTV mundëson transmetimin e videove nga interneti me teknologjinë HTTP LiveStreaming (HLS).

Dëshironi të kontribuoni në suksesin e Tring?
A jeni i motivuar për sfida të mëdha, i dedikuar dhe ambicioz për të pasuar një karrierë?
Ne ju sigurojmë se Tring është vendi i duhur ku ju mund të realizoni objektivat tuaja.
Ne i vlerësojmë punonjësit tanë dhe i stimulojmë vazhdimisht ata që duan të ecin përpara, që kërkojnë inovacionin dhe që nuk ndalen së kërkuari.
Ne besojmë se vetëm kështu mund të arrijmë objektivat gjithmonë e më ambicioze dhe të garantojmë cilësinë maksimale për abonentët tanë.

Pozicionet Vakante >